丁志辉转自苹果日报
喺我有份搞嘅獅子山學會，數碼港係一個我哋啲intern必到嘅field trip地點。我仲要迫佢哋孖住觀塘咁去。
點解？因為數碼港就係計劃經濟，政府大幅利益傾斜去幫，都係乜都搞唔到出來嘅「大白象」好例子。咁點解要埋啲intern去觀塘？就係畀埋佢哋感覺吓，香港「真．Start Up」之勝地。
咁政府最新一輪利益傾斜去幫隻大白象打延命劑，當然就係嗰一千張「人才六合彩」，外勞輸入計畫。喺觀塘街頭貼張街招，用幾千蚊租位創業，就冇得申請輸入外勞。不過去數碼港租政府位就有，租位後，就算做啲嘢成pat屎咁，都可以喺fb自吹自擂話喺香港科技權威。幾開心呀。
最後，繼續跟進俄鋁（486）最新發展。佢嘅母公司En+，即歐柏嘉持有六成嗰間，已請投行Rothschild幫歐柏嘉嘅股份搵買家。而見美帝一再伸延制裁落實日，由最初話五月，變六月到𠵱家話八月，即係示意大家跟番個劇本，做埋呢場大龍鳳，就會放人。
其實如果我係個本地華資commercial banker，我一定cold call俄鋁，話點都會做佢生意，直至制裁落實嗰刻。唔似嗰班冇義氣嘅銀行，人哋未落實，都個個斬纜。抵深圳超香港的。
